Tilibe mangawa ndi Gregory Gondwe, akuchocha kuzera Lilongwe timadziwa, akamabwera ndili okonzeka kukamulandira, atero a Kunkuyu
Nduna yofalitsa nkhani a Moses Kunkuyu ati ndiokonzeka kukachingamila mtolankhani Gregory Gondwe ku bwalo la ndege pofuna kusonyeza kuti boma lilibe mangawa ndipo kuti a Gondwe ndi mfulu kubwelela Ku Malawi.
A Kunkuyu auza atolankhani Ku Lilongwe lero kuti pomwe a Gondwe amatuluka m’dziko muno kudzela Ku bwalo la ndege Ku Lilongwe, boma limadziwa komanso likudziwa anthu omwe anayenda ndi a Gondwe
Iwo ati izi zikutsimikizila kuti ngati boma likanakhala kuti linalidi ndi malingalilo ofuna kumanga a Gondwe akanathata kutelo.
Iwe ati a Gondwe akuyenela kubwelela Ku Malawi poti salipachiophsyezo china chilichonse.
Nduna ya zachitetezo a Harry Mkandawire yati boma lilibe mapulani aliwonse omanga mtolankhani Gregory Gondwe.
Malingana ndi a Mkandawire, boma lidauzidwa pamene a Gondwe amatuluka m’dziko muno kudzera pabwalo la ndege la KIA ndipo anafunsidwa ngati anali naye chifukwa chilichonse.
Malingana ndi a Mkandawire, boma lidavomera kuti aGondwe atuluke m’dziko muno chifukwa liribe nawo chifukwa.
